Ақтөбедегі Марат Оспанов атындағы медициналық университеттің 1 курс студенті сабақ үстінде жігітімен қашып кеткен. Болашақ дәрігердің ата-анасы оқытушылардан жағдайға араласпауын сұрап отыр.
Бұл туралы өңірдегі NUR.KZ хабарлайды.
“Бұл жағдаймен таныспыз. Кешегі жұма күні алып қашу жағдайы болды. Студентіміз сол күні сабақта болды. Сабақ біткен кезде сағат үштер шамасында орын алып тұр. Сол күні қыздың ата-анасы бізге хабарласып әзірге араласпауымызды өтінді”, – дейді медициналық университет оқытушысы.
“Группасындағы қыздардың бәрі біліп отыр. Соған қарағанда осыған дейін айтылған әңгіме сияқты. Алып қашып кеткен қыздың туысы бізде жоғары курста оқиды. Қыздың ата-анасы осы жаққа келетіндерін айтты”, – дейді университет оқытушысы.
Сабақ үстінде жігіті алып қашып кеткен студентке қатысты полицияға арыз түспеген.