Ақтөбеде белгісіз біреулер анасы мен баласын атып кеткен

Шабуыл салдарынан 60 жастағы әйел мен 1995 жылғы ұлы зардап шеккен. Жәбірленуші ер азамат бұрын сотталған болып шықты.

Полицияның болжамы бойынша, қарақшылар сол жас жігітті өлтіруге келген болуы мүмкін. Алайда, атыс салдарынан анасы көбірек зардап шекті.

Оқ әйелдің екі қолы және кеуде қуысы, ішін жарақаттады. Ол шұғыл орталық аудандық ауруханаға жеткізілген. Ал ұлының сол иығына оқ тиген.