Анасы қызының жоғалып кеткенін айтып, полицияға шағымданған. Алайда жастар үйлену тойына дайындық үстінде болып шықты, деп хабарлайды Aktobetimes.kz.
Қобда ауданының Сарыбұлақ ауылында 21 жастағы мұғалім жергілікті ауруханада қызмет ететін медбикеге ғашық болып қалған. Өз сезімін білдірудің жолын таппаған жігіт сүйіктісін алып қашуға бекінген. «Алып қашу операциясы» сәтті өткенімен, біраз уақыттан соң анасы қызының жоқ екенін аңғарып, полицияға хабарласқан.
Ақтөбе облысы ІІД мәлімдеуінше, ешқандай қылмыс нышаны жоқ. Тек қыздың анасы істің анық-қанығына бармай, асығыстық жасаған.
Дереккөз; Stan.kz