Ақтауда Каспий маңы елдерінің гидрометеорологиялық қызмет мамандары бірлесіп, теңіздегі өзекті мәселелерді талқылады.
Бұл туралы Қазгидрометтің баспасөз қызметі хабарлады.
Түрікменстан, Әзербайжан, Ресей, Иран мен Қазақстанның күн райын болжаушылары Каспийдегі қауіпсіздікті қамтамасыз ету үшін ақпарат алмасып, өзара байланысты арттырудың қажет екенін айтты.
– Каспийдің солтүстігі, әсіресе Қазақстан жағалауы таяз. Су деңгейі құбылып тұрады. Кейде толқын тұрып, су молаяды, кей кездері тартылып жатады. Бұл құбылысты толық зерттеу үшін Каспийдегі су деңгейі туралы ақпаратты біліп отыруымыз маңызды, – деді «Қазгидромет» РММ ҒЗО Каспий теңізін гидрометеорологиялық зерттеу басқармасының басшысы Наталья Ивкина.