Ақсу қаласында КамАЗ көлігінде болған өрт салдарынан төрт жасар бала қаза тапты.
Бұл туралы Павлодар облысы төтенше жағдайлар жөніндегі департаментінің баспасөз қызметі хабарлады.
Департамент мәліметінше, қайғылы оқиға 12 сәуір күні болған. Ашық алаңқайда тұрған жүк көліктің кабинасы түк қалмай өртеніп кетіпті. Шұғыл қызметке хабар 15.03-те келіп түсті, өрт 15.10-да ауыздықталып, 15.18-де толығымен сөндірілді.
Оқиға орнында өрт сөндіру және апаттық-құтқару жұмыстары қызметтерінің жеке құрамынан жеті адам және бір көлік жұмыс істеді. Оқиғаның басқа жайттары әлі анықталған жоқ.