АҚШ президенті Дональд Трамп пен Жапония премьер-министрі Синдзо Абэ дүйсенбі күні телефонмен сөйлесіп, Солтүстік Кореяның зымыраны мен ядролық қаруларын шектейтін қосымша әрекет қажет екеніне келісті.
Премьер-министрдің пікірінше, Корей түбегіндегі жағдайды тұрақтандыру үшін Ресей де белсенді әрекет етуі керек. Абэнің айтуынша, мәселені бейбіт жолмен реттеуге талпыныс жасалды, бірақ Солтүстік Корея оларды елеген де жоқ.
“Солтүстік Кореяға қарсы қосымша шаралар туралы Оңтүстік Корея мен Жапония да ойлануы керек”, – деді Хейли.
Президент Трамп бұған қатысты пікірін “Твиттерде” жазды. Ол көмектеспей отырған Қытайдан “көңілі қалғанын” және оны күтіп отыра алмайтынын жазған.
Пекин Трампқа ҚКП ОК баспа органы арқылы жауап берді: “егер АҚШ пен Оңтүстік Кореяның әскермен қорқытуы Солтүстік Кореяның зымыран-ядролық әрекеттерін шектей алмаса, Қытай бұны экономикалық санкциялар арқылы қалай тоқтатпақ?”.