АҚШ Мемлекеттік хатшысының орынбасары Джон Салливан Ақтөбе облысы аумағында автобустың өртенуінен адамдардың қаза болуына байланысты Қазақстан мен Өзбекстанға көңіл айтты.
Бұл туралы БҰҰ Қауіпсіздік кеңесінің министрлер деңгейіндегі отырысы кезінде мәлімделді деп хабарлады ҚазАқпарат.
«Осы мүмкіншілікті пайдалана отырып Қазақстанда автобуста орын алған қайғылы жағдайда Өзбекстанның елуден астам азаматының қаза болуына байланысты Қазақстан мен Өзбекстанның үкіметтеріне және қаза тапқандардың отбасыларына көңіл айтуға рұқсат етіңіздер»,- деді ол БҰҰ Қауіпсіздік Кеңесінің министрлер деңгейіндегі отырысы барысында.