АҚШ-тың бас прокуроры Джефф Сешнс президент Дональд Трамптың сынына қарамастан, өзінің орнында қала береді. Бұл жөнінде Associated Press агенттігі хабарлады. Бірер күн бұрын Трамп The New York Times газетіне берген сұхбатында Сешнсті АҚШ-тың әділет министрі етіп тағайындағанына өкінетінін білдірген.
Президент егер Сешнс Ресейдің президент сайлауына араласуы мүмкіндігін зерттеуден бас тартатынын білгенде, басқа біреуді тағайындайтын едім деген.
Сешнс Ресейдің АҚШ-тағы елшісі Сергей Кислякпен құпия кездесуі дау туғызды. Бірақ ол сенатта Кремль өкілімен кездеспегенін айтқан. Кейін ол сенаторларға шындықты айтқанын, ол елшімен үнемі тығыз байланыста болмадым деп түсіндіруге тырыстым деген еді.