Степногорск қалалық сотында өзара дүрдараз әке мен бала ісі медиация тәсілімен қаралды.
Бұл туралы Ақмола облыстық сотының баспасөз қызметі хабарлады.
“Степногор қалалық сотында Әкімшілік құқық бұзушылық туралы Қазақстан Республикасы Кодексінің 73-бабының 1-бөлігімен, яғни “Отбасы-тұрмыстық қатынастар аясындағы құқыққа қарсы әрекеттер” бабы бойынша азамат С-ға қатысты әкімшілік іс қаралды.
Сот анықтағандай, азамат М. өзінің әкесіне балағат сөздер айтып, оны қорлап, үйдің тыныштығын бұзған. Осы қылығы үшін әкесі ұлын сотқа берген. Кейін сотта әкесі мен ұлы татуласып, медиативтік келісім ұсынып, іс бойынша өндірісті тоқтатуды сұрады. Сот қаулысымен медиативтік келісім бекітіліп, әкімшілік іс тоқтатылды», – делінген баспасөз хабарламасында.