Сириялық Алеппо қаласының бүлікшілер бақылауындағы шығыс аудандарында қайтыс болғандарды жерлейтін орын жоқ, деп хабарлады Associated Press. Қоршаудағы аудан тұрғындары әуе соққыларынан қайтыс болғандарды үйлерінің аулаларына жерлеуге мәжбүр.
Қала дәрігерлерінің мәлімдеуінше, Алепподағы мәйітханалар да толып қалған. Жергілікті билік жаппай жерлеу рәсімін жүргізгісі келеді, бірақ оларда қажетті техника жоқ.
Сириядағы азаматтық соғыс басталғалы бері Алеппо ықпал ету аймақтарына бөлінді: батысына үкімет күштері иелік етсе, шығысына – сириялық бүлікшілер бекінді. Сирядағы екінші ірі қалаға бақылау орнату – президент Асадтың басты мақсаттарының бірі.