Алматы билігі ауруханада қайтыс болған тәртіп сақшыларының отбасыларына материалдық көмек көрсетеді, – деп хабарлайды оңтүстік астана әкімінің баспасөз қызметі.
Аға сержант Серік Әбілдаев пен лейтенат Мейрамбек Рахматуллаевтың отбасылары 10 млн теңгеден алады. Бұдан бұрын мемлекет 18-шілдеде Алматыда орын алған теракт кезінде ауыр жарақат алғандарға 5 млн теңгеден бөлген еді.
Серік Әбілдаев пен Мейрамбек Рахматуллаевты лаңкес Руслан Күлікбаев ауыр жарақаттаған еді. 1-тамызда олардың қаза болғаны белгілі болды. Дәрігерлер екі апта бойы теракті кезінде зардап шекендердің өмірі үшін ажалмен арпалысты.
Қаскүнемнің қолынан сегіз адам ажал құшты: олардың алтауы полицейлер, біреуі шекара қызметінің қызметкері және тағы біреуі жақында зейнеткерлікке шыққан экс-полицей.