Нұр-Сұлтан
Қазір
27
Ертең
16
USD
425
0.00
EUR
500
0.00
RUB
5.77
0.00

Айлықтан айлыққа дейін: шағын несиеге сұраныс күрт өсті

Ұлттық банктің мәліметінше, 2021 жылдың бірінші тоқсанында микроқаржы ұйымдарының жиынтық бөлінбеген пайдасы 21,3 млрд теңгені құрады. Сектордың стандарттары бойынша бұл өте жоғары көрсеткіш:

  • 2020 жылдың қаңтар-наурызымен салыстырғанда пайда үш есеге жуық өсті (7,4 млрд теңгеден).
  • ағымдағы жылдың 3 айында МҚҰ өткен 9 айға қарағанда (18,6 млрд теңге) көбірек табыс тапты
  • тоқсан қорытындысы бойынша көрсеткіш 2019 жылдың жылдық табысынан сәл ғана артта қалды (23,3 млрд) және 2018 жылдың деңгейінен төрттен бір есе асып түсті (16,6 млрд)

Осылайша, өткен тоқсан МҚҰ үшін тарихтағы ең сәтті кезең болды – олар ешқашан мұндай көп ақша таппады. Сондай-ақ алдыңғы рекорд 2020 жылдың төртінші тоқсанында орнатылды – үш айда 13,5 млрд теңге.

МҚҰ банктермен теңесті ме?

2021 жылдың 1 сәуіріне берілген микрокредиттердің көлемі (құнсыздануға арналған резервтерді шегергенде) 463,8 млрд теңгені құрады. Бұл да рекордтық көрсеткіш. Салыстыру үшін: АТФ банктің несие қоржыны осы күні 511,3 млрд, Forte Bank-те – 776,1 млрд, Еуразиялық банкте – 625,5 млрд теңгені құрады.

Үш ай ішінде МҚҰ-ның жиынтық несие қоржыны 45,7 млрд теңгеге ұлғайды. Бұл да рекордтық көрсеткіш – шағын несиелерге деген сұраныс мұндай жоғары болған жоқ. Бұл ретте 12 ай ішінде несие қоржыны 46,7%-ға (немесе 147,7 млрд) өсті, бұл 2018 жылдың бірінші тоқсанынан бастап ең жоғары жылдық өсім болып табылады.

Тағы бір маңызды сәт. Қазақстандықтар микронесиелерді жиірек алып қана қоймай, қарыздарын да жақсы өтей бастады. Бір тоқсан ішінде NPL 90+ үлесі жеке тұлғалар бойынша 6,1%-дан 6%-ға дейін және заңды тұлғалар бойынша 7,9%-дан 4,1%-ға дейін төмендеді.

Бәсекелестік төмендеп келеді

2021 жылғы қаңтар-наурыз қорытындылары бойынша МҚҰ активтері 54,7 млрд теңгеге ұлғайып, 574,2 млрд теңгеге жетті. Екі көрсеткіш те барлық кезең ішіндегі ең жоғарғы болып табылады. 12 ай ішінде активтер 176,4 млрд теңгеге (тағы бір рекорд) артып, 44,3% қарқынын көрсетті.

Міндеттемелер несие қоржынына қарағанда баяу өсуде – тоқсан ішінде олар 36,5 млрд теңгеге ұлғайды және барлық уақыт ішінде ең жоғары деңгейге – 392 млрд-қа жетті.

Сонымен қатар, жалпы өсу бәсекелестіктің төмендеуі аясында жүреді. 2021 жылғы 1 сәуірдегі жағдай бойынша республикада, Ұлттық банк мәліметі бойынша, 213 микрокредиттік ұйым жұмыс істейді. Бұл жыл басына қарағанда 14 ұйымға аз.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз