Дубайда әйелін өлтірді деген айыппен 61 жастағы британиялық журналист Фрэнсис Мэтью қамауға алынды. БАӘ заңы бойынша ол өлім жазасына кесілуі мүмкін.
Дубай полициясының ақпаратынша, Gulf News басылымының редакторы Фрэнсис Мэтью 62 жастағы жұбайы Джейнді балғамен ұрып өлтірген. Ал полицияға қылмысты үйін тонап кеткен қарақшылар жасағанын айтқан.
Полицияның мәліметінше, артынша ер адам қылмысын мойындап, әйелін қалай өлтіргенін де айтып берген. Қылмысын жасыру үшін үйінің астаң-кестеңін шығарып, тонап кеткендей көрсетпек болыпты.
Айыптау тарапы британиялық журналисті өлім жазасына кесуді талап етпек.
Ақпарат көзі: Baq.kz