Айдана Меденова кімді ұмытқысы келіп жүр? (видео)
Әнші тыңдармандарын жаңа туындысымен қуантты. Ол Ұмыт атты әнге бейнебаян түсірген екен.
Бұл туралы Stan.kz хабарлайды.
Айдана Меденова тыңдармандарына жаңа бейнебаянын ұсынды. Аталған бейнебаян “Ұмыт” атты әнге түсірілген екен. Туындының сөзі Бауыржан Бимахан есімді азаматқа тиесілі.
“Құрметті достар, сіздерге жаңа “Ұмыт” деген әнімді ұсынамын. Бұл бейнебаянды Музарт ән студиясында, 2016 жылдың қаңтар айында Бауыржан мен Паша достарымның көмегімен түсірдік. Мұны әннің акустикалық нұсқасы деп білсеңіздер болады. Осы жаңа бағытта жазылған әнім сіздердің жүректеріңізден орын алып, көңілдеріңізден шығады деген үміттемін”, – дейді Айдана Меденова.
Желі қолданушылары аталған туындыға баға беріп те үлгерді. Көпшілік оның көңілдерінен шыққанын жазып жатыр. “Өте керемет ән. Жанды қарып өтеді екен”, “Айтарға сөзім жоқ! Керемет”, “Осындай әніңіз үшін мың алғыс”, “Жүректен шыққан ән жүрекке жетті деген осы шығар” деп жазады желі қолданушылары. Арасында “Онша емес. Аса қабылдай алмадым. Бәлкім уақыт өте келе ұнай жатар” деп жағымсыз пікір білдіргендер де болды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз