Қазақстандық фристайлшы Юлия Галышева Пхенчханда өтіп жатқан ХХІІІ қысқы Олимпиада ойындарында қола жүлдеге қол жеткізді.
Бұл туралы Vesti.kz хабарлайды.
Фристайлдың могул сыны бойынша жарыс жолына шығатын отандасымыз жүлде үшін таласта аянып қалмады. Финалдық кезеңде 77.40 ұпай иеленіп, үздік үштіктен көрінді.
Ақ Олимпиаданың алтын жүлдесін француз Перрин Лаффон (78,65) жеңіп алды. Күміс медальды канадалық Жюстин Дюфур-Лапуант (78,56) иеленді.