SuperApp Aitu мен «Кселл» АҚ стратегиялық серіктестігін жариялады. Компаниялар қазақстандықтардың ыңғайлы және кешенді қызметтерге өсіп келе жатқан сұранысты қанағаттандыратын цифрлық өнімдерді бірлесіп әзірлеуге ниетті.
«Мұндай ұлттық жобалар еліміздің цифрлық тәуелсіздігімен тікелей байланысты. Олар технологиялардың дамуына үлкен үлес қосады. Сондықтан, біз әрбір қазақстандықтың қолдауына қуанышты болар едік. Қазақстанда пайда болып, ары қарай дамып бара жатқан оператор „Kcell“ АҚ-мен серіктестік отандық телекоммуникация өнімдерін және телекоммуникация нарығын дамытуға тағы бір қадам», — деді «BTS Digital» ЖШС бас директоры Нұртай Әбілғалиев.
«Қазақстандық байланыс операторының тәжірибесі мен ұлттық цифрлық платформаны біріктіре отырып, компаниялар өздерінің қолданыстағы экожүйелерінің қисынды жалғасы болатын жаңа жергілікті өнімді құру мүмкіндіктерін ашады. Ұялы байланыс операторының абоненттері үшін бұл байланыс пен цифрлық қызметтерді одан да ыңғайлы пайдалануды, ал Aitu пайдаланушылары үшін ұялы байланыс мүмкіндіктерімен біріктірілген қолжетімді шешімдер ауқымын кеңейтуді білдіреді», — деді «Кселл» АҚ Бас атқарушы директоры және Басқарма Төрағасы Асқар Жамбакин.
Компаниялар арасындағы серіктестік Қазақстанның цифрлық экономикасын дамытудағы маңызды қадам болмақ. Мұнда заманауи қызметтер тек технологиялық тұрғыдан жетілдірілген ғана емес, сонымен қатар адамдардың қажеттіліктеріне барынша бейімделеді.