Нұр-Сұлтан
Қазір
28
Ертең
12
USD
467
0.00
EUR
488
0.00
RUB
8.56
0.00

“Әбіләзов былай жасады…”. БТА банкінің экс-басқарма төрағасы бәрін мойындады (видео)

155

Мұны кім айтты? Сотта БТА банкінің экс-басқарма төрағасы Сәдуақас Мәмеш ағынан жарылған екен. Жоқ, рас. Тіпті, соттың өзі күтпесе керек мұндайды. 

https://kaz.365info.kz/okorochka-alynyzdar-ablyazovtin-khalaj-bajyganyn-bilesiz-be-241495

Бұған дейін не деп еді? 

 
Ең қызығы, бұған дейін Мәмеш сүттен ақ, судан таза екенін айтып ақталған-тұғын. Мойындамаған. Ал бұл жолы не болды? Сөйтсек, тергеушілер Әблязов басқарған компанияның Қазақстанда және шетелде қандай жолмен ақша ұрлағанын майшаммен тексерген екен. Нәтижесінде, ұрланған ақшаның ауқымы да анықталған. Аз емес. 7 жарым млрд доллар. Көп. Сұмдық көп. 
 
Мемлекеттік айыптаушы Еркін Баймағамбетов бұл ретте былай дейді: 
 
“Бұлар жоспар құрған. Жоспарды Әбіләзов сызған. Орындауды банктің экс-басқарма төрағасы Мәмешке тапсырған. Әбіләзовтың амалы бойынша, ақша ұрламай тұрып, банкке алдымен шетелдік қаржы институттарынан қаптатып қарыз алған, халықты көптеп салым салуға шақырған. Ең қызығын айтайын. Істі тергеп-тексере келе, БТА-ның Әбіләзов келмей тұрып, тәртіптен аттамай, заң аясында жұмыс істегенін анықтадық”. 
 

Сыбайластар сатып кетті ме? 

 
Мойындап жатқандардың алды, Мәмеш емес. Бұдан бұрын, Әбіләзовтың айтқанымен жүргенін банктің басқарма төрағасының экс-орынбасары әрі несие комитетінің төрағасы Жақсылық Жәрімбетов жайып салған. Іле-шала несиелеу бөлімінің директоры Қайрат Садықов та жаздым-жаңылдым деген. 
 
Сонымен не болды? Әбіләзов жалғыз қалды ма? Сотқа шақырғанға келмеді. Келмейді де. Онсыз қызық емес сияқты. Жемқорлыққа қарсы Ұлттық бюро да мойындап отыр мұны.
 
“Жүзден аса адамды жұмылдырған қылмыстық топтың төбе басында Мұхтар тұр”
дейді олар. 
 
Мемлекеттік айыптаушы Еркін Баймағамбетовке тағы да сөз кезегін берсек: “Әбіләзов құрған қылмыстық топ жұмылған жұдырықтай жұмыс істеген. Ауызбіршілігі мықты болған бұлардың. Бұлардың атында Кипрде, Британ және Виргин аралдарында, Англияда, АҚШ-та, Ирландия көптеген компания тіркелген”.
 
Қысқасы, бес саусақ бір жұдырық деген ұстанымды ұстанған. Банк өз кезегінде Әбіләзовтың атындағы бір күндік компанияларға қайтарымсыз несиелер берген. Сіз бен біз ойлағандай тиын-тебен емес, миллион, миллиард теңге. Ақша аударыла сала, Мұхтар бастаған топ Еуропадан элиталы баспаналар сатып алыпты. Артылғанын Африкадан өндірістік кәсіпорындар сатып алуға жұмсаған. 
 
Айта кетелік, қазір Әбіләзовтың үстінен қозғалған қылмыстық іс 2000 томнан асып кетіпті. Оңай емес. Сегіз жыл бойына сағыздай созылып келеді. Әбіләзовқа тағылған айыптаулардың өзі 500 парақтан асып жығылыпты. Ал оқыңыз…
 
Айтпақшы, Мұхтар да қарап отырған жоқ. Әлеуметтік желідегі жұрттың ой-санасын жаулап алуға ниетті. Ол билікпен әлеуметтік желі арқылы күресуге көшкен. 

Қай тараптың ақпараттық шабуылы мықты шығар екен, қалай ойлайсыз?

Серіктестер жаңалықтары
© «365 Info», 2014–2022 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз