Ақтауда дүкенді тонағандар видеоға түсіп қалды
Видеода дүкенге тұтқиылдан баса-көктеп кірген, қолында тапаншасы бар бетпердедегі үш жігіт көрінеді.
Бұл оқиға 7 қазанда түнгі уақытта болған, – деп жазады Маңғыстау облыстық ІІД баспасөз қызметіне сілтеме жасаған “Лада” басылымы.
Видеодан беттерін жауып алған үш ер адамның дүкенге басып кірген сәті көрінеді. Сол уақытта ұрылардың бірі дүкен сатушысын тапаншаға ұқсас затпен қорқытса, екінші ер адам сөрелерден аттап өтіп, ақшасы бар қорапшаны алып шыққан. Одан кейін екіншісі қайта оралып, сатушы үстелінен асылып тағы екі затты алады. Соған қарағанда ол ақшаның қайда тұратынын жақсы білетін секілді.
“Белгісіз біреулер 3 “Б” ықшамауданында орналасқан дүкенге баса-көктеп кірген. Олар біреудің мүлкін тонап кетті, материалдық шығын 20 мың теңгені құрады. Олардың біреуінің қолында тапаншаға ұқсас зат болған. 20-25 жас аралығындағы үш жігіт ұсталды. ҚР Қылмыстық кодексінің 191-бабының 2-бөлігі бойынша қылмыстық іс қозғалды. Ұсталғандар уақытша қамау изоляторына жабылды. Тергеу жұмыстары жүргізіліп жатыр”, – деп хабарлады ведомстводағылар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе