Петропавлда заңсыз ет өнімдерін өндіретін цех анықталды
Солтүстік Қазақстан облысының полицейлері Петропавлда ет өнімдерін заңсыз өндіретін цехты анықтады. Өндіріс орнын ұйымдастырған 41 жастағы қала тұрғыны әкімшілік жауапкершілікке тартылды.
Солтүстік Қазақстан облысы полиция департаментінің ұйымдасқан қылмысқа қарсы күрес басқармасының қызметкерлері жедел ақпаратты тексеру барысында Жамбыл көшесінде орналасқан заңсыз цехты тапты.
Кәсіпкерлік қызметті заңсыз жүзеге асырғаны үшін ер адам әкімшілік жауапкершілікке тартылды. Сонымен қатар ветеринариялық инспекция өкілдері оны ветеринариялық талаптарды бұзғаны үшін жауапқа тартты.
Ал өндіріс жағдайларының санитариялық талаптарға сәйкестігін бағалау санитариялық-эпидемиологиялық бақылау қызметінің құзыретіне жатады.
Полицейлер тұрғындарды азық-түлік сатып алғанда мұқият болуға шақырды. Мамандар өнімді ресми сауда орындарынан сатып алып, оның заңдылығы мен қауіпсіздігін растайтын құжаттарға назар аударуға кеңес береді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе