Абай облысында мас болып көлік жүргізген 370 адам жауапқа тартылды
Жыл басынан бері Абай облысы аумағында полиция қызметкерлері көлік құралын мас болып көлік жүргізген 370 жүргізушінің жолын кесті. Олардың қатарында жеңіл және жүк көліктерін, мотоциклдер мен электросамокаттарды басқарған азаматтар да бар.
Абай облысы ПД әкімшілік полиция басқармасының бастығы Бауыржан Омаровтың айтуынша, жүргізушінің бір сәттік жауапсыздығы орны толмас қайғыға әкелуі мүмкін.
«Мас болып көлік жүргізу – жауапкершілігі жоғары жүргізуші үшін жол беруге болмайтын әрекет. Көлік тізгініндегі адамның бір сәттік жауапсыздығы орны толмас қайғыға әкелуі мүмкін. Сондықтан полиция қызметкерлері мұндай құқық бұзушылықтардың жолын кесіп, жол қозғалысына қатысушылардың қауіпсіздігін қамтамасыз ету бағытындағы жұмысты тұрақты түрде жүргізіп келеді», – деді Бауыржан Омаров.
Абай облысында жол қауіпсіздігін қамтамасыз ету және масаң күйде көлік басқару фактілерінің алдын алу бағытындағы жұмыстар тұрақты түрде жүргізіліп келеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе