Көкшетауда үлескерлер бес жыл бойы баспана ала алмай жүр

Әлі салынбаған үшінші блокқа жаңа мердігер табылған, ол қазір үлескерлер туралы мәліметтерді жинап, жұмысты бастауға дайындалып жатыр. Ал екінші блокты бұрынғы компания аяқтауы тиіс. Компания басшылығы мәселені 2022 жылғы кірпіш тапшылығымен байланыстырып отыр. Бірақ олар бұл жолы бәрі нақты аяқталады деп сендіріп отыр. Дегенмен, жұмыстардың нақты қашан аяқталатынын айтудан бас тартты.

«Компания бір кезеңде осындай дағдарысқа тап болды. Бірақ қазір біз бұл жағдайдан шығып келеміз. Қазір құрылыс жұмыстары аяқталуға жақын. Тек ішкі әрлеу жұмыстары ғана қалды, сонымен қатар лифт жеткізілгенін күтеміз, оның мерзімі шамамен екі ай», – деді құрылыс компаниясының директоры Санат Шәкимов.