Жетісу облысында ер адамды пышақтаған жасөспірім 4 жылға сотталды
Жетісу облысында 21 жастағы жігітті аяусыз пышақтаған 17 жастағы оқушыға сот үкімі шықты. Жасөспірім «денсаулыққа қасақана ауыр зиян келтіру» бабымен төрт жылға бас бостандығынан айырылды.
Жыл басында көпқабатты үйдің маңында 17 жастағы бозбала өзінен төрт жас үлкен Жасұлан Нұрлановқа пышақ жарақатын салған еді. Ол жігіттің жүрек тұсына, мойнына төрт рет суық қару сұққан. Көп ұзамай жанындағы бір топ адаммен қансыраған жас жігітті сүйреп, қыстың аязды күні далаға тастап кеткен. Абырой болғанда, тұрғындар дер кезінде жедел жәрдем қызметін шақырып, жігітті аман алып қалған.
«Біз бұл үкіммен түбегейлі келіспейміз. Істе кісі өлтіруге оқталудың барлық белгілері бар. Жоғарғы сотта мұндай істер «кісі өлтіруге оқталу» бабымен саралануға жататыны туралы түсініктеме болғанымен прокурордың неліктен ұстанымын өзгерткені және соттың істі қайта саралау туралы шешімі бізге түсініксіз. Біз мұны жазаны негізсіз жеңілдету деп санаймыз», – дейді Жасұлан Нұрлановтың туысы Салтанат Барысбаева.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе