Алматыда 40 қабатты ғимараттың құрылысы тоқтатылды
Мәжіліс депутаты Бақытжан Базарбек Алматыдағы Rams Beyond атты 40 қабатты мұнараның құрылыс-монтаждау жұмыстары уақытша тоқтатылғанын хабарлады. Оның айтуынша, рейд барысында қала әкімдігінің қала құрылысы бақылау басқармасы құрылыс компаниясына ресми нұсқама тапсырған.
Жоба таныстырылған сәттен бастап-ақ қала тұрғындары оны қатты сынға алған. Олар Тимирязев – Сейфуллин қиылысы маңындағы ауданның онсыз да шамадан тыс жүктелгенін, көлік қозғалысы мен тұрғын үй тығыздығы жоғары екенін айтқан. Сонымен қатар жақын маңда бірде-бір жасыл аймақтың жоқтығы да тұрғындардың наразылығын күшейткен.
Сонымен қатар мемлекет басшысы Бас жоспарға жедел өзгерістер енгізуді, оның ішінде экологиялық шараларды күшейтуді, қалалық ортаны теңгерімді дамыту мен таулы аймақтарды құрылыс қысымынан қорғауды тапсырған еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе