Оралда заманауи урбанистика бағытында ынтымақтастық нығаюда
Астана қаласының Урбанистика орталығының директоры Елнар Базыкен жұмыс сапарымен Батыс Қазақстан облысына келді.
Қазақстан Республикасы Президенті Әкімшілігінің тапсырмасына сәйкес, Орал қаласында жаңа ұлттық стандарттарға сай қоғамдық кеңістікті абаттандыру үшін арнайы жер телімі белгіленді. Бұл – қалалық ортаны заманауи, қолайлы әрі жайлы етуге бағытталған қадам.
Сапар барысында өңірді дамыту, қоғамдық кеңістіктерді жаңғырту, көше инфрақұрылымын жақсарту және қала келбетіне заманауи урбанистік шешімдерді енгізу мәселелері талқыланды.
Сонымен қатар, Астана қаласының Урбанистика орталығымен бірлесіп жүзеге асырылуы мүмкін жобалар қарастырылып, келешек ынтымақтастықтың бағыттары пысықталды.
Кездесу қорытындысында Батыс Қазақстан облысы әкімдігі мен Урбанистика орталығы өзара әріптестікті жалғастыруға ниетті екенін жеткізді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе