Қарағандыда бағалы металдарды ұрлаған екі қылмыстық топ құрықталды
Қарағанды облысында полицейлер бағалы металдарды заңсыз иемденген екі ұйымдасқан қылмыстық топты ұстады. Бұл топтар ірі өндірістік кәсіпорыннан тауарлар мен жанар-жағармай ұрлап, оны заңсыз жолмен өткізіп отырған.
Мамырдың ортасында ұйымдасқан қылмысқа қарсы күрес басқармасының мамандары арнайы операция жүргізіп, кәсіпорын қызметкерлері мен күзетшілердің сөз байласу арқылы бірнеше ай бойы ұрлық жасап келгенін анықтады.
Ішкі істер министрлігінің өкілі Қуандық Алпыс тінту кезінде жанармай, металл бұйымдар, көлік бөлшектері, тіркелмеген қару түрлері (оның ішінде кесілген шолақ мылтық, карабин және травматикалық қару) тәркіленгенін айтты. Операция нәтижесінде 18 адамға айып тағылып отыр.
Айдың соңында полицейлер тағы бір топты құрықтады. Олардан 17 тонна мыс концентраты, өндірістік құралдар, құжаттар мен ақшалай қаражат алынды.
Қазіргі таңда аталған деректер бойынша сотқа дейінгі тергеу амалдары жүргізіліп жатыр. Ұсталғандардың басқа да қылмыстарға қатысы тексерілуде.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз