Қарағанды облысында құны 5 млрд теңгеге жуық жер мемлекет меншігіне қайтарылды
Қарағанды облысының Нұра ауданында құны 4,78 миллиард теңге болатын мақсатсыз пайдаланылған жер телімі мемлекет меншігіне қайтарылды. Нұра ауданының прокуратурасы жалпы көлемі 2 391 гектарды құрайтын ауыл шаруашылығы мақсатындағы пайдаланылмай жатқан жер телімін анықтап, оны мемлекеттік меншікке қайтарды.
«Аталған жер телімі аудан әкімінің өкімі мен аудандық жер қатынастары бөлімімен жасалған шарт негізінде шаруа қожалығына 20 жыл мерзімге жалға берілген. Алайда 2012 жылдан бері бұл жер мақсатына сай пайдаланылмаған», — деп хабарлады Қарағанды облыстық прокуратурасы.
Прокуратура жүргізген талдау нәтижесінде пайдаланылмай жатқан жердің кадастрлық құны 4,78 миллиард теңге екені анықталған. Прокурорлық қадағалау шараларының нәтижесінде жер учаскесі мемлекет меншігіне қайтарылып, енді басқа жер пайдаланушыларға берілетін болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе