Маңғыстауда жасөспірім рульге отырып, апатқа себеп болды

Маңғыстау облысында көлікті тізгіндеген жасөспірім жол апатына себеп болды. Үйінде үлкендердің жоқтығын пайдаланған бала көлігімен бірнеше қызды қыдыртпақ болған. Алайда, рульге ие бола алмай, көлік бірнеше рет аударылған.

Апат салдарынан 3 қыз ауыр жарақат алып, облыстық балалар ауруханасына жеткізілді. Олардың бірі жансақтау бөлімінде, жағдайы өте ауыр. Дәрігерлер ми жарақаты мен бірнеше сүйек сынуын тіркеген. Қазір тергеу басталды, қылмыстық іс қозғалды.