Павлодарда мектеп оқушысы қатарласын соққыға жықты
Павлодарда жасөспірімдер арасындағы зорлық-зомбылық оқиғасы тіркелді. №16 мектептің оқушысы қатарлас қызды ұрып-соғып, бұл сәтті куәгерлер видеоға түсіріп алған. Желіде тараған кадрлар «Молодой Кабылтаев» Telegram-арнасында жарияланды.
Құқық қорғау органдары төбелеске қатысушылардың жеке басын анықтады. Кәмелетке толмаған баланың заңды өкіліне ҚР Әкімшілік құқық бұзушылық туралы кодексінің 127-бабының 3-бөлігі бойынша хаттама толтырылды. Ал төбелесті бастаған оқушы қылмыстық жауапкершілікке тартылатын жасқа толмағандықтан, оның ісін Павлодардың кәмелетке толмағандар істері жөніндегі комиссиясы қарастырады.
Полицияның мәліметінше, комиссия жасөспірімді Шығыс Қазақстан облысы Серебрянск қаласындағы девианттық мінез-құлықты балаларға арналған арнайы мектеп-интернатқа жіберу мәселесін қарастырмақ. Сонымен қатар мектеп әкімшілігіне оқиғаға себеп болған жағдайларды жою туралы ұсыныс берілді.
Серіктестер жаңалықтары
© «365 Info», 2014–2025 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз