Бағым Балтабаева – «Қазақстан аруы-2024» сұлулық байқауының жеңімпазы
Алматыда «Қазақстан аруы-2024» ұлттық сұлулық байқауының финалы өтті. Биыл бұл атақты 22 жастағы өскемендік Бағым Балтабаева иеленді. Бұл жолы байқау мегаполистегі үлкен мейрамханалардың бірінде өтті.
Әділ қазылар қыздардың бойындағы тартымдылық пен қоса өздрін ұстап, көп алдында сөйлей алу қасиеттеріне де баға берді. Биылғы байқаудың ұраны «The аrt оf being a Woman» («Әйел болу өнер») болды. Бұл Қазақстандағы сұлулық байқауы кез келген қызмет салаларындағы әйелдерді қамтитынын, мұнда қатысушылардың сыртқы келбетіне ғана баса назар аудармайтынын айғақтайды.
«Вице-мисс Қазақстан 2024» атағын Айдана Әбілқасова;
«Жер аруы 2024» атағын Томирис Қадырхан;
«Ғалам аруы 2024» атағын Дана Алмасова;
«Қазақстан аруы 2024» атағын Бағым Балтабаева иеленді.
«Бұл жеңісті күтпедім. Қатты қобалжып тұрмын. Мұнда мені отбасым әжем мен бауырларым қолдап келді. Шынымен, әлі де сене алар емеспін!», – деді «Қазақстан аруы 2024» атағын иеленген Бағым Балтабаева.
Жеңімпаздарға бағалы тәж бен атақпен қоса бағалы сыйлықтар: Ақшалай сертификат, зергерлік бұйымдар мен Еуразиялық техникалық университетіне гранттар ұсынылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе