Тарихи рекорд: Биткоин 88 мың доллардан асып кетті

Биткоин криптовалютасының (BTC) құны 88 мың доллардан асып, тарихи рекордты тағы жаңартты.

Бұл туралы деректер Binance онлайн цифрлық валюта айырбастау қызметінде пайда болды. Айта кетейік, бір күн ішінде биткоин құны 5,7%-ға өсіп, кеше Астана уақыты бойынша 21:00-дегі жағдай бойынша 84,4 мың доллар болды.

Ал бүгін биткоин бағамы алғаш рет 88 000 доллардан асып, рекордтық 88 051,017 долларға жетті. Бағаның күрт өсуіне АҚШ-тағы президенттік сайлау кезінде криптовалютаға қызығушылықтың артуы себеп болған.