Маска кимеген алматылықтарға 4,7 млн теңге айыппұл салынған

— 8 қазаннан бастап бүгінгі күнге дейін мониторингтік топ 1 860 объектіні аралады, оның ішінде 439 объектіде карантиндік, оның ішінде маскалық режимді бұзушылық анықталды.

ҚР ӘҚБтК-нің 425-бабының 1-бөлігі бойынша жеке тұлғаларға қатысты маска режимін сақтамағаны үшін 4 708 710 теңге сомасына әкімшілік құқық бұзушылық туралы 113 хаттама толтырылды, — деген бас санитарлық дәрігердің сөзін «ҚазАқпарат» хабарлайды.

Қалада аудандық әкімдіктер жанында күн сайын ұйымдарда, объектілерде эпидемияға қарсы іс-шаралардың орындалғанын қадағалау рейдтерін жүргізетін 26 мониторингтік топ жұмыс істейді.