Бельгиялық дәрігерлер өздеріне қолдау білдіруге келген премьерді теріс бұрылып қарсы алды
Бельгиялық ауруханалардың бірінде дәрігерлер мен медбикелер ел премьер-министрі Софи Вильместі теріс бұрылып, дәліз құрып қарсы алды. Ол мекемеге дәрігерлерге рухани қолдау білдіру үшін келген еді.
Вильместің кортежі жақындаған сайын медициналық қызметкерлер көліктерге теріс бұрылды. Олар осы арқылы денсаулық сақтау жүйесіндегі жағдайдың нашарлығына өз наразылықтарын білдіргісі келді. Оған 120-ға жуық адам қатысты.
— Дәрігерлер өткен екі айдағы ауыр жұмысы үшін қаржылық өтемақы төлеуді немесе жалақысын көтеруді талап етеді. Қызметкерлер қажет болған жағдайда дәрігерлердің мерзімнен тыс жұмысқа міндетті түрде шығуы туралы Үкіметтің өкімін сынмен деп қабылдады, — деді дәрігерлер кәсіподағының өкілі Дирк Ван Овертвельд.
Ол дәрігерлер нормадан тыс жұмыс істейтінін атап өтті. Акцияға жауап ретінде Бельгия премьері оларға психологиялық және қаржылық қолдау көрсетуге уәде берді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз