Қазақстандықтар әлеуметтік желі арқылы жұмыс ұсынған шетелдік алаяқтарға ақша аударған
Жамбыл облысы ІІД баспасөз қызметі Қазақстан Республикасы Ішкі істер министрлігіне Қазақстан Республикасының Ұлыбританиядағы Елшілігінен Еуропадағы алаяқтық тәсілдер туралы ақпарат келіп түскенін мәлімдеді.
Бұл туралы Baq.kz хабарлады.
“Ақпаратқа сәйкес алаяқтар «Linkedln» әлеуметтік желісі арқылы қазақстандықтарға жоғары жалақы, тұрғын үй және көлікпен қамтамасыз ететін Ұлыбританиядағы жұмыс орны туралы, сондай-ақ виза және жұмысқа рұқсат алуға қолдау көрсету туралы ұсыныс хаттар жібереді.
Талап етілген ақшаны алғаннан кейін алаяқтар байланысқа шықпайды”, – делінген ІІД таратқан хабарламада.
Осыған орай Жамбыл облысы ІІД аталған деректердің алдын алу мақсатында жергілікті халықты күдік тудыратын веб-сайттар мен әлеуметтік желілерден сақ болуға шақырады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе