Еліміздің бірнеше облысында мұнай ұрлаумен айналысқандарға үкім шықты
Қарағанды, Қызылорда және Оңтүстік Қазақстан облыстарындағы кеніштерде қара алтынды қымқырғандарға қатысты сот үкімі шықты. Атышулы процес Қызылордада қаралып, бүгін барлығы 21 күдіктіге жаза берілді. Ең жоғарғы жазаны топ жетекшісі Кенжебек Басықараев арқалады.
Бұл туралы КТК арнасы хабарлайды.
“Осы қылмыстық іс бойыша бас фигуранттар:Басқараев Кенжебек Асқарұлы түкпілікті он жылға бас бостандығынан айырылды. Жазасын қылмыстық атқару жүйесінің қауіпсіздігі орташа мекемесінде өтеу белгіленді”,-деді Қызылорда облыстық мамандандырылған ауданаралық сотының өкілі.
Мұнай ұрлығымен айналысқандардың қылмысын бүркемеледі деп айыпталған Қызылорда облыстық ұйымдасқан қылмысқа қарсы күрес басқармасының бұрынғы басшысы Берік Өтеновке 9 жыл жаза кесілді.
Естеріңізге салсақ, қара алтынды ұрлап сатумен айналысқан қылмыстық топ өткен жылы ұсталған еді. Тұтқындау операциясы бір мезетте Тараз, Шымкент, Қызылорда қалаларында жүргізілген. Ұсталғандар арасында Сыр өңірінің көлік прокуроры да болды. Осы қылмыстық топқа қамқор болды деп айыпталған ол өткен жылы екі жыл шартты мерзімге сотталған еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе