IBF Головкинді әлем чемпионы белдігінен айырды
Халықаралық бокс федерациясы (IBF) қазақстандық боксшы Геннадий Головкиннді (38-0-1, 34 КО) әлем чемпионы атағынан айырды, деп хабарлайды Sports.kz.
22 мамырда Спрингфилдте (АҚШ, Нью-Джерси штаты) өткен тыңдалымға Головкин және IBF бекіткен оның міндетті қарсыласы украиналық Сергей Деревянченко (12-0, 10 КО) сонымен қатар екі спортшының командасы қатысты.
IBF комиссиясы екі тарапты да тыңдап шықты. Ол бүгін Геннадийді IBF белдігінен айыру жөнінде шешім қабылдады. Өйткені ол 3 тамызға шейін Деревянченкомен кездесуден бас тартты. Еске сала кетсек, Головкин екінші мәрте мексикалық Саул Альвареспен (49-1-2, 34 КО) айқасуы керек болған.
Алайда келіссөздер қаржы келіспеушілігіне байланысты тығырыққа тірелді. Сонымен қатар қазақстандық WBO чемпионы Билли Джо Сондерспен (26-0, 12 КО) кездесу жөнінде жоспар болды. Алайда ол 23 маусымда титулын қорғау үшін Мартин Мюррейге қарсы шығудан бас тартты.
Дерек көз: Қазақпарат.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз