“Араласпаңдар дедім ғой…”. Оралда күйеубаласы енесін атып өлтіріп, атасын жарақаттады

Кеше кешкісін Орал қаласындағы «Құрылысшы» шағынауданындағы көпқабатты үйлердің бірінде оқыс оқиға орын алды, деп хабарлайды ҚазАқпарат тілшісі.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, оқиға орнына жедел жәрдем сағат 20.24-те шақырылып, олар үш минуттан кейін жеткен.

«Оқ тиген 60 жастағы әйел жедел жәрдем келгенге дейін көз жұмған. Ішінен оқ тиген 1951 жылғы ер адам қалалық көпбейінді ауруханаға жеткізілді. Оған түнде ота жасалды. Ота алты сағатқа созылды. Жағдайы ауыр», – деді Сақпосынова.