Қазақстанда скринингтік тексеруден өтпегені үшін жауапқа тартылуы мүмкін
Денсаулық сақтау министрі Елжан Біртанов скринигтік тексерулерге қатысты пікір білдірді, деп хабарлайды Baq.kz .
Министр хабарлағандай, онкологиялық ауруларға қарсы күрес бойынша кешенді жоспар аясында ведомство халықтың скринингтік тексерулерден толық өтуін қамтамасыз етуді жоспарлауда.
«Цифрландыруға қатысты біз ұсынып отырған шешімдер тегін медициналық көмектің кепілдендірілген ауқымымен қарастырылған барлық профилактикалық қызмет туралы хабардарлығын және оны алу мүмкіндігінің болуына бағытталған», – деді Елжан Біртанов.
«Бірақ бұл жазалау шаралары немесе айыппұл емес. Тағы да айтамын, бұл мәселе жыл соңына дейін кодекс аясында талқыланады. Біз әлі де ортақ жауапкершілік нұсқаларының барлығын мұқият талқылаймыз. Бірқатар елде айыппұлдарды немесе шектеулерді қолданған, ал, егер Қазақстан қоғамы біз бұған әлі дайын емеспіз десе, онда бұл мәселеге уақытша үзіліс белгілейміз», – деп қорытты Біртанов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе