Елбасы Оңтүстік Корея президентіне көңіл айтты
Қазақстан Президенті Корея Республикасының Президенті Мун Чже Инге көңіл айту жеделхатын жолдады.
Жеделхат Мирян қаласының ауруханасындағы өрт салдарынан адамдардың қаза болуына байланысты жолданды, деп хабарлайды Ақорданың баспасөз қызметі.
Мемлекет басшысы Қазақстан халқының және жеке өзінің атынан Мирян қаласының ауруханасындағы өрт салдарынан адамдардың қаза болуына байланысты көңіл айтты.
“Осынау қайғылы сәттерде корей халқымен бірге екенімізді жеткізгім келеді. Қаза болғандардың туыстары мен жақындарының қайғысына ортақтаса отырып, зардап шеккендердің тезірек сауығып кетуіне тілектестік білдіремін”, – делінген жеделхатта.
Еске сала кетейік, Оңтүстік Кореяның оңтүстік-шығысындағы Мирян қаласының ауруханасында бүгін таңертең өрт шығып, оның салдарынан 33 адам қаза тапты және 70-тен аса адам зардап шекті. Өрттің шығу себебі әлі анықталмаған. Өрт 1 сағат 40 минутта сөндірілген.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз