Қызылорда облысында Қорғаныс істері жөніндегі департаменттің басшысы ұсталды
Қызылорда облысында Қорғаныс істері жөніндегі департаменттің басшысы бірнеше рет пара алды деген күдікпен ұсталды.
Бұл туралы ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің ресми өкілі хабарлады.
Ресми мәліметтерге қарағанда, облыстық департамент басшысына қатысты тергеуді ҚР Сыбайлас жемқорлыққа қарсы іс-қимыл ұлттық бюросының Қызылорда облысы бойынша департаменті бастады.
“Ол 600 мың теңге көлемінде пара алды деген күдікке ілінді. Күдіктінің 2017 жылдың қараша -желтоқсан айлары арасында қоластындағылардан жүйелі түрде оларға әскери атақ алып беру үшін және тәртіптік жауапкершіліктен босату үшін 20 мыңнан 150 мың теңгеге дейінгі көлемде пара алып келгені анықталды”, – деп хабарлады ведомствоның ресми өкілі.
2018 жылдың 4-қаңтарында департамент басшысының Қызылорданың ішкі істер басқармасының уақытша изоляторына қамалғаны айтылады. Сотқа дейінгі тергеу жүріп жатыр.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз