Павлодарлық полициялар “бала жоғалды” деп жалған ақпарат таратқан күдіктіні ұстады, деп хабарлайды ҚазАқпарат.
“Жедел іздеу іс-шарасының нәтижесінде әлеуметтік желілерде Ақсу қаласында кәмелеттік жасқа толмаған баланың жоғалғандығы туралы жалған ақпарат таратқан 38 жастағы күдікті әйел ұсталды”, – деді ІІД-нің баспасөз хатшысы Баян Мағзумова.
Ұсталған әйел Ақсу қаласының Қалқаман кентінде тұрады. Бұған дейін сотталмаған. Кәмелеттік жасқа толмаған үш баласы бар. Сотқа дейінгі тергеу жалғасып жатыр.
Айта кетейік, баланың жоғалғандығы туралы жалған ақпарат 15 желтоқсанда тараған.