Алматыда өрттен әйелді аман алып шыққан полиция қызметкерлері марапатталды
14-желтоқсанда Бостандық ауданындағы Қазақфильм ықшамауданында 5 қабатты тұрғын үйдің үшінші қабатындағы пәтерден өрт шықты.
Бостандық аудандық ішкі істер департаментінің №47 кезекші бөлімінің полиция майоры Дархан Айымбетов пен аға лейтенант Әбілқайыр Пернебеков қарама-қарсы үйден шыққан түтінді көріп, ешнәрсеге қарамастан сонда қойып кеткен. Өртті сөндіріп, үй иесіне алғашқы көмек көрсетіп жүргенде олардың өзі зардап шекті.
Полиция қызметкерлерінің осындай қайсарлығының арқасында өрт сөндіру көлігі келгенше от өшіріліп, үй иесі – әйел адам аман қалған.
Адам өмірін құтқарған олар өжет әрі өз ісіне адалдығы үшін Тәуелсіздік күні қарсаңында арнайы марапатқа ие болды. Полиция майоры Дархан Айымбетов пен аға лейтенант Әбілқайыр Пернебеков төтенше жағдайлардың медалімен марапатталып, Алматы қалалық Төтенше жағдайлар жөніндегі департаменті бастығының грамотасын алды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе