Электрондық денсаулық паспорты бізге не үшін қажет?
Бүгін Үкімет үйінде өткен баспасөз мəслихатында ҚР Денсаулық сақтау вице-министрі Алексей Цой алдағы уақытта елімізде енгізілетін электрондық денсаулық паспорты жайлы айтып берді, деп хабарлайды Baq.kz тілшісі.
«Пациенттердің денсаулық паспорты – электрондық денсаулық сақтау жүйесінің аса маңызды құрамдасы. Əр азаматтың осындай өз паспорты, яғни виртуалды жəшігі, оның сәйкес логині мен құпия сөзі болады. Ол жерде пациенттің денсаулығы, диагнозы, қан тобы, аллергиялық реакциялары, жасалған оталары, түрлі мəліметтер шоғырланады. Бұл құрал жеке кабинет сияқты дəрігермен тілдесуге, сондай-ақ екпелер, тексерістер туралы ақпарат алуға мүмкіндік береді», – деді Цой.
«Əсіресе, төтенше жағдайларда, шетелде бұл аса қажет», – дейді вице-министр.
Атап өтсек, бүгін Алексей Цой келесі жылдан бастап Қазақстанның 4 өңірі пилоттық режимде толық қағазсыз құжат айналымына көшетінін хабарлаған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе