БҚО-да 22 оқушы ауруханаға жатқызылды

БҚО-да 20 қараша күні кешкі сағат 17:30-да Бурлин ауданы Қызылтал ауылындағы №7 мектептің 6-сынып оқушылары іштері ауырып Бурлин аудандық ауруханасына жатқызылды, деп хабарлайды Baq.kz ақпарат агенттігі mgorod.kz-ке сілтеме жасап.

БҚО денсаулық сақтау басқармасының басшысы Қанат Төсекбаевтың айтуынша, орталық ауруханаға жеткізілген барлық бала тексеруден өткен.

«22 оқушы іштері ауырып ауруханаға жатқызылды, екі балада лоқсу болды. Осы оқиғадан кейін ауруханаға инфекционистер барды. Бүгін таңертең 17 оқушы үйлеріне қайтарылды. Ал қалған бес бала дәрігерлердің бақылауында. Үш балада өт шығару жолдарының дискинезиясы болса, екеуінде фаренгит», – деді Қанат Төсекбаев.