Алматыда цех өртке оранды

 Жалын 750 шаршы метр жерді шарпыған. Бұл туралы  Алматы ТЖД хабарлайды.

Өрт сөндірушілер оқиға орнына таңғы сағат 5:58-де жеткен. Тілсіз жау метал шатыр мен ағаш тіреулерді шарпып үлгерген. Шатырдың кей бөлігі жерге құлап түскен.

Құтқарушылардың шапшаңдығының арқасында өрт басқа ғимараттарға өтіп үлгермеген. Аумағы 750 шаршы метрді шарпыған қызыл жалын 07:13-те ауыздықталды. Төтенше жағдайдан ешкім жапа шеккен жоқ. Ал өрттің шығу себептері анықталып жатыр.