Еліміздің басым бөлігінде көктайғақ болып, жел күшейеді деп күтілуде

Атмосфералық фронттардың өтуіне байланысты Қазақстанның басым бөлігінде жауын-шашын жауады. Кей жерлерінде желдің күшеюі, тұман, көктайғақ күтіледі.

Ақмола, Павлодар, Қарағанды облыстарында тұман, көктайғақ күтіледі. Жамбыл, Ақтөбе, Қызылорда облыстарында желдің күшеюі 15-20 м/с жетеді.

Маңғыстау, Батыс Қазақстан, Қостанай, Солтүстік Қазақстан облыстарында тұман күтіледі. Атырау, Батыс Қазақстан облыстарында желдің күші 15-20 м/с жетеді.