Алматыда Сейфуллин мен Абылай хан көшелері бір бағытты болып өзгертілмек

Енді қала ішіндегі қозғалысы көп екі негізгі көшелердің бірі – Сейфуллин даңғылы Райымбек батырдан бастап Сәтбаев көшесіне дейін бір бағыттық болады.

Бұл туралы КТК телеарнасы хабарлады.

Бұл көшемен көліктер оңтүстік бағытта, яғни жоғарыға қарай ғана қозғалады. Ал Наурызбай батыр мен Желтоқсан көшелері кері бағытқа ауыспақ. Наурызбаймен солтүстікке, яғни, төмен қарай, ал, Желтоқсанмен керісінше жоғары қарай жүресіз.

Сондай-ақ, Абылай хан даңғылын да бір бағыттық қылып өзгерту жоспарда бар. Бұл көшемен көліктер Абай даңғылынан Райымбек батыр даңғылына дейін солтүстік бағытта қозғалады. Әкімдік қаланың барлық көшелеріндегі көлік қозғалысының жылдамдығын сағатына 50 шақырымға дейін азайту мәселесі де қарап жатыр.