Астанада полиция қызметкерлері “Шарын” базарындағы қақтығыстың алдын алды.
Куәгерлер түсірген жаппай төбелестің видеосын Tengrinews.kz жариялады.
Астана қалалық ІІД баспасөз қызметіндегілер 13-қазанда базардағы қақтығыстың алдын алғанын хабарлады.
“13-қазанда Шарын базарында екі күзет қызметінің күзетшілері арасында дау шықты. Астана қалалық ІІД-не шаммен күндізгі сағат 12-де хабарлама келіп түсті. Шамамен 10 адам аумақтық ІІБ-не жеткізілді. ҚР Қылмыстық кодексінің 252-бабы, яғни “Жекеше күзет қызметтерi қызметшiлерiнiң өкiлеттiктерiн асыра пайдалануы” бойынша сотқа дейінгі тергеу жүргізіліп жатыр”, – деп хабарлады ІІД өкілдері.