VK-да музыка тыңдауға шектеу енгізілді
“ВКонтакте” және “Одноклассники” әлеуметтік желілері ұялы телефон қосымшасында музыка тыңдауға шектеу қойды, – деп хабарлайды TJ басылымы Mail.Ru Group холдингімен бірге жұмыс істейтін United Media Agency (UMA) агенттігіне сілтеме жасап.
1 қазаннан бастап қолданушылар әуенді қосымшадан шыға отырып, тәулігіне 1 сағат қана тыңдай алады.
Кейінірек тіпті 30 минутқа дейін ғана тыңдай алуы мүмкін.
Ал “Вконтакте” желісін компьютер арқылы қолданатындар музыканы бұрынғыдай шектеусіз тыңдай алады. UMA өкілдерінің айтуынша, мұндай шектеулердің енгізілуі Universal Music Group, Warner Music Group, Sony Music Entertainment және Merlin Network музыка студияларының құқық иелерінің келісімшартымен байланысты.
Ал “Одноклассники” ақылы жүйе арқылы музыканттардың өздерінің контенті арқылы тұрақты табыс табу мүмкіндігімен түсіндірді.
Еске сала кетейік, осыған дейін”ВКонтакте” әлеуметтік желісінің ең ірі редизайн жасағаны хабарланған болатын.
Қосымшаның басты жаңалығы – “Мінездеме беру” бөлімі пайда болады. Ол қолданушының мінез-құлқын зерттеп, сараптама негізінде оған мақалалар, суреттер және видеолар таңдап отырады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе