Еліміздің кей өңірлерінде синоптиктер жел күшейеді деп болжайды
Республика аумағының басым бөлігінде атмосфералық фронттардың өтуіне байланысты кей жерлерде жаңбыр жауады, түнде оңтүстіктің басым бөлігінде, таулы аймақта қатты жауын-шашын болады. Қазақстанның батысы, оңтүстік-батысы, солтүстік-батысы мен солтүстігінде ауа райы жауын-шашынсыз. Кей жерлерде жел күшейеді. Солтүстік, оңтүстік пен орталықта кей жерлерде тұман түседі, деп хабарлайды Қазгидромет.
Оңтүстік Қазақстан, Қызылорда облыстарында, Жамбыл, Алматы, Қарағанды, Қостанай, Ақтөбе, Батыс Қазақстан, Атырау облыстарының кей жерлерінде төтенше өрт қаупі сақталады.