“Назарбаев Университеті” әлемге танымал болды – Елбасы

Мемлекет басшысы “Назарбаев Университеті” дербес білім беру мекемесінің президенті Шигео Катсумен кездесті.

Бұл туралы  Tengrinews.kz тілшісі Ақордаға сілтеме жасап хабарлайды.

Елбасы кездесу барысында Қазақстан ғылымын одан әрі дамыту және жас ғалымдарға қолдау көрсету үшін тиісті жағдай жасау қажеттігіне ерекше назар аударды.

“Назарбаев Университеті” әлемге танымал болды. Сіздің басшылығыңызбен мыңнан астам студент оқуын ойдағыдай аяқтады. Біз университетті дамыту ісінде көп нәрсеге қол жеткіздік. Алайда, жас дарындарға одан әрі қолдау білдіру үшін шаралар қарастыру қажет”, – деді Қазақстан Президенті.